1 րոպեի ընթերցում
Նյու Յորքի ոստիկանությունը կանգնեցրել է ՄԱԿ-ի գլխավոր ասամբլեայի 80-րդ նստաշրջանին մասնակցելու նպատակով Նյու Յորք ժամանած Ֆրանսիայի նախագահ Էմանուել Մակրոնի ավտոշարասյունը։
«Արմենպրես»-ի փոխանցմամբ՝ համացանցում տարածված տեսանյութում երևում է, թե ինչպես է Ֆրանսիայի նախագահն իջել մեքենայից և զրուցում Նյու Յորքի ոստիկանության աշխատակցի հետ, որը նրան տեղեկացնում է, որ ճանապարհը փակ է, քանի որ այդտեղով պետք է անցնի ԱՄՆ նախագահ Դոնալդ Թրամփի ավտոշարասյունը։
Էմանուել Մակրոնը զանգահարել է ԱՄՆ նախագահին և խնդրել բացել ճանապարհը։
Ես սպասում եմ փողոցում, որովհետև ամեն ինչ փակ է Ձեզ համար»,- ԱՄՆ նախագահին ասել է Մակրոնը։
Տեսանյութից նաև երևում է, որ Մակրոնը Թրամփին զանգահարելուց հետո, այնուամենայնիվ, ոտքով է շարունակել ճանապարհը՝ այդ ընթացքում նաև շփվելով և լուսանկարվելով փողոցում գտնվող մարդկանց հետ։