366.85
ԱՄՆ պետքարտուղարը ժամանել է Կատար
1 րոպեի ընթերցում
ԱՄՆ պետքարտուղար Մարկո Ռուբիոն ժամանել է Կատար։ «Արմենպրես»-ի փոխանցմամբ՝ այս մասին հայտնում է Al Khaleej պարբերականը։
ԱՄՆ պետքարտուղարի այցի նպատակն է հորդորել Կատարին շարունակել իր միջնորդական դերը Գազայում հրադադարի հասնելու հարցում։
Այցի շրջանակում Ռուբիոն հանդիպում կունենա Կատարի էմիր շեյխ Թամիմ բին Համադ ալ-Թանիի հետ։
Ռուբիոյի այցը տեղի է ունենում մեկ շաբաթ անց այն բանից հետո, երբ Իսրայելը հարվածել էր Կատարին՝ թիրախավորելով պաղեստինյան «ՀԱՄԱՍ» խմբավորման առաջնորդներին։
Դոհա մեկնելուց առաջ Ռուբիոն ընդգծել է, որ Կատարը մնում է միակ երկիրը, որը կարող է նպաստել Գազայի հատվածում պատերազմի ավարտին։
Թել Ավիվից Դոհա մեկնելիս Ռուբիոն ինքնաթիռում լրագրողների հետ զրույցում նշել է, որ կխնդրի Կատարին շարունակել այն, ինչ նրանք անում են։
«Մենք մեծապես գնահատում ենք նրանց կառուցողական դերն այս պատերազմն ավարտին հասցնելու գործում», - ասել է պետքարտուղարը։
Ռուբիոն մինչ այդ երկօրյա պաշտոնական այցով գտնվում էր Իսրայելում, որտեղ հանդիպում է ունեցել Իսրայելի վարչապետ Բենիամին Նեթանյահուի հետ։
Բաժանորդագրվեք մեր ալիքին Telegram-ում