368.52
Վարույթի շրջանակում իրականացվում են Աժդահակի խառնարանային լճից ապօրինի ջրառի մասին տեղեկատվության ուսումնասիրություններ
1 րոպեի ընթերցում
Գեղամա լեռնավահանի Աժդահակ լեռան Կարմիր կատար խառնարանային լճից կատարվող ենթադրյալ ապօրինի ջրառի վերաբերյալ օգոստոսի 29-ին համացանցում հրապարակված տեսանյութը և դրա վերաբերյալ ստացված ահազանգը փոխանցվել են ՀՀ բնապահպանության և ընդերքի տեսչական մարմին, որի հիման վրա հարուցվել է վարչական վարույթ։ Դրա շրջանակում իրականացվում են ուսումնասիրություններ և ստուգողական գործողություններ՝ իրավախախտման փաստի ճշգրտման նպատակով։
Ինչպես «Արմենպրես»-ին տեղեկացրին ՀՀ շրջակա միջավայրի նախարարությունից, վարույթի ավարտից հետո կտրվի լրացուցիչ տեղեկատվություն։
«Շնորհակալություն՝ ցուցաբերած զգոնության, ահազանգի և հետևողականության համար։
Շրջակա միջավայրի նախարարությունը բարձր է գնահատում հանրության ներգրավվածությունը բնապահպանական խնդիրների բացահայտման և կանխման գործընթացում»,- ասվում է պարզաբանման մեջ։
Բաժանորդագրվեք մեր ալիքին Telegram-ում