ՀՀ պատմության թանգարանում 6 ամսով կբացվի միջնադարյան քրիստոնեությանը նվիրված բացառիկ ցուցադրություն
1 րոպեի ընթերցում
Հայաստանի պատմության թանգարանում, Լուվրի թանգարանի հետ համագործակցությամբ, սեպտեմբերի 21-ից վեց ամսով կբացվի միջնադարյան քրիստոնեությանը նվիրված բացառիկ ցուցադրություն, որտեղ առաջին անգամ կներկայացվեն եզակի ցուցանմուշներ։
«Արմենպրես»-ի փոխանցմամբ՝ այս մասին տեղեկացրել է ՀՀ ԿԳՄՍ նախարար Ժաննա Անդրեասյանը՝ Երևանի հանրակրթական դպրոցների տնօրենների ու վարչատնտեսական համակարգողների մասնակցությամբ տեղի ունեցած քննարկման ժամանակ։
Նախարարը հիշեցրել է՝ նախորդ ուսումնական տարին հռչակվել էր մշակութային կրթության տարի, որի շրջանակում մի շարք նախաձեռնություններ են իրականացվել, գրանցվել են տպավորիչ արդյունքներ։
Ժաննա Անդրեասյանը ներկաներին կոչ է արել առավել ակտիվ ներգրավել երեխաներին այս և մյուս մշակութային ծրագրերում՝ դրանք դիտարկելով որպես ուսուցման տրամաբանական շարունակություն։