1 րոպեի ընթերցում
Աֆրիկյան առնվազն 4 երկրներ առաջիկա 3 ամսում կսպառեն խիստ թերսնված երեխաների համար հատուկ նախատեսված կենսականորեն անհրաժեշտ սնունդը՝ օգնությունների կրճատման հետևանքով: «Արմենպրես»-ի փոխանցմամբ՝ ինչպես հայտնում է Reuters–ը՝ այս մասին հայտարարել է «Փրկենք երեխաներին» կազմակերպությունը։
Բրիտանական օգնության խումբը հայտարարել է, որ Նիգերիայում, Քենիայում, Սոմալիում և Հարավային Սուդանում նվազում են բարձր էներգետիկ արժեք ունեցող թխվածքաբլիթների, գետնանուշի Plumpy'Nut մածուկի և այլ պատրաստի թերապևտիկ սննդի մատակարարումները։
«Այն պայմաններում, երբ համաշխարհային սովը կտրուկ աճում է, վերջերս օգնության կրճատումների պատճառով կրճատվել է այն ֆինանսավորումը, որը կարող էր փրկել երեխաների կյանքը», -ասել է բարեգործական կազմակերպության Արևելյան և Հարավային Աֆրիկայի տարածաշրջանային տնօրեն Իվոն Արունգան։