Երթևեկության կանոնները խախտած կնոջ ավտոմեքենան տեղափոխվել է պահպանվող հատուկ տարածք, կազմվել են վարչական արձանագրություններ

Համացանցում տեսանյութ էր տարածվել, որում երևում էր, թե ինչպես է մի կին ճանապարհային երթևեկության կանոնների խախտմամբ ավտոմեքենա վարում։

«Արմենպրես»-ի փոխանցմամբ՝ ինչպես հայտնում է ՀՀ ՆԳՆ ոստիկանությունը, Երևանի պարեկներն ավտոմեքենան հայտնաբերել և տեղափոխել են պահպանվող հատուկ տարածք։

Կազմվել են վարչական իրավախախտման վերաբերյալ արձանագրություններ։