Փաշինյանը Վաշինգտոնի Աստվածաշնչի թանգարանին է նվիրել Գրիգոր Նարեկացու միջնադարյան նկարազարդ մատյանի կրկնօրինակը
1 րոպեի ընթերցում
Հայաստանի վարչապետ Նիկոլ Փաշինյանն Ամերիկայի Միացյալ Նահանգներ այցի ընթացքում այցելել է Վաշինգտոնի Աստվածաշնչի թանգարան:
«Արմենպրես»-ի փոխանցմամբ՝ վարչապետը տեսանյութ է հրապարակել՝ կից գրելով. «Վաշինգտոնի Աստվածաշնչի թանգարանին նվիրեցի Գրիգոր Նարեկացու միջնադարյան նկարազարդ մատյանի կրկնօրինակը»:
Հայաստանի Հանրապետության վարչապետ Նիկոլ Փաշինյանը ԱՄՆ–ում կլինի օգոստոսի 7-8-ը: Վաշինգտոնում վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։