1 րոպեի ընթերցում
Գեղարքունիքի մարզի Ճամբարակ համայնքում ՀՀ կառավարության կողմից տրամադրված միջոցներով ընթանում են Ճամբարակի թիվ 2 հիմնական դպրոցի մարզադահլիճի հիմնանորոգման աշխատանքները։
Ինչպես «Արմենպրես»-ին տեղեկացրեց Ճամբարակի թիվ 2 հիմնական դպրոցի տնօրեն Կարինե Գրիգորյանը, ծրագրի պայմանագրային արժեքը կազմում է 19 միլիոն 948 հազար դրամ։ Ծրագրով նախատեսված է մարզադահլիճի հատակի, պատերի, առաստաղի, հանդերձարանների, ֆիզղեկի սենյակի, լոգարանների, միջանցքի, սանհանգույցների կապիտալ նորոգում, օդափոխության համակարգի, նոր լուսամուտների տեղադրում ու ցանցապատում, այլ կարգի աշխատանքներ։
Շինարարական աշխատանքներն իրականացված են շուրջ 80 տոկոսով։
Ծրագրի իրականացման արդյունքում այս ուսումնական տարվա սկզբից Ճամբարակի թիվ 2 հիմնական դպրոցի աշակերտները ֆիզկուլտուրայի դասերը կանցկացնեն արդի չափորոշիչներին համապատասխան մարզադահլիճում։