Վանևան գյուղում մեկնարկել են Գարագաշի փողոցի հիմնանորոգման աշխատանքները

Գեղարքունիքի մարզի Վարդենիս համայնքի Վանևան գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում ընթանում են Գարագաշի փողոցի հիմնանորոգման աշխատանքները։

Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, Վանևանի Գարագաշի փողոցի հիմնանորոգման ծրագրի պայմանագրային արժեքը կազմում է 108 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Վարդենիսի համայնքապետարանը։ 

Ծրագրով նախատեսված է ճանապարհի երթևեկելի մասի հիմնանորոգում՝ 1037 գծամետր երկարւթյամբ և 5496 քմ մակերեսով, ջրահեռացման համակարգի կառուցում, կահավորում և գծանշում։

Շինարարական աշխատանքները, որոնք իրականացնում է «Շանթ-Սեյրան» ՍՊԸ-ն, մեկնարկել են հուլիսի 14-ից և կավարտվեն հոկտեմբերին։