Անհետ կորած 13-ամյա աղջիկը հայտնաբերվել է

ՆԳՆ ոստիկանության օպերատիվ կառավարման կենտրոնը հուլիսի 17-ին քաղաքացուց հաղորդում է ստացել, որ նույն օրը իր 13-ամյա աղջիկը դուրս է եկել տնից և չի վերադարձել։

Ինչպես «Արմենպրես»-ին տեղեկացրին ՀՀ ներքին գործերի նախարարության ոստիկանությունից, Համայնքային ոստիկանության Տարոնի բաժնի ծառայողների ձեռնարկած միջոցառումների արդյունքում մի քանի ժամ անց երեխան հայտնաբերվել է և փոխանցվել է ծնողներին։