Փրկարարները մարել են ավտոմեքենայում բռնկված հրդեհը

Արարատի մարզային փրկարարական վարչության ճգնաժամային կառավարման կենտրոնը հուլիսի 15-ին, ժամը 15։46-ին ահազանգ է ստացել, որ Քաղցրաշեն գյուղում այրվում է VAZ մակնիշի ավտոմեքենա։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։

Ըստ աղբյուրի՝ հրդեհը մեկուսացվել է ժամը 16։12-ին, մարվել՝ 16։28-ին:

Այրվել է VAZ մակնիշի ավտոմեքենան։ Տուժածներ չկան։