Ադրբեջանի վարչապետն ու Ուկրաինայի էներգետիկայի նախարարը քննարկել են երկկողմ հարաբերություններին վերաբերող հարցեր
1 րոպեի ընթերցում
Ադրբեջանի վարչապետ Ալի Ասադովը հանդիպել է Ուկրաինայի էներգետիկայի նախարար Գերման Գալուշչենկոյի հետ։
«Արմենպրես»-ի հաղորդմամբ՝ այս մասին հայտնում են ադրբեջանական լրատվամիջոցները:
Նշվում է, որ հանդիպման ընթացքում քննարկվել են ադրբեջանա-ուկրաինական հարաբերությունների օրակարգի արդիական հարցեր, այդ թվում՝ տնտեսական, էներգետիկ, գյուղատնտեսական, հումանիտար և այլ ոլորտներում համագործակցության հեռանկարները։