Ռուսաստանը սպասում է Ուկրաինայի պատասխանին ուղիղ բանակցությունների երրորդ փուլի առնչությամբ. Պեսկով
1 րոպեի ընթերցում
Ռուս-ուկրաինական հակամարտության կարգավորման վերաբերյալ կողմերի միջև ուղիղ բանակցությունների հաջորդ փուլի ամսաթիվը դեռևս որոշված չէ. Ռուսաստանը շարունակում է սպասել ուկրաինական կողմի պատասխանին։ «Արմենպրես»-ի փոխանցմամբ՝ այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Այդ աշխատանքը շարունակվում է։ Ես ևս մեկ անգամ կրկնում եմ, և մեր նախագահն է խոսել է այս մասին, մենք սպասում ենք ուկրաինական կողմի առաջարկին երկկողմ ուղիղ բանակցությունների փուլերի շարունակության ժամկետների վերաբերյալ», - Պեսկովի խոսքերն է մեջբերում «Ինտերֆաքս» գործակալությունը։
Այսպես է նա պատասխանել Ուկրաինայի նախագահ Վոլոդիմիր Զելենսկիի այն հայտարարությանը, որ ռուս-ուկրաինական բանակցություններ չեն լինի, մինչև բանակցությունների երկրորդ փուլում կողմերի միջև համաձայնեցված գերիների փոխադարձ փոխանակումները չավարտվեն։
Պեսկովը նաև նշել է, որ Ռուսաստանի և Ուկրաինայի միջև գերիների փոխանակումները շարունակվում են։
Ռուսաստանը և Ուկրաինան մայիսի 16-ին և հունիսի 2-ին Ստամբուլում անցկացրել են բանակցությունների երկու փուլ։