Թրամփը սպառնացել է սահմանել 35% մաքսատուրքեր Կանադայի, 15%-20%՝ մյուս առևտրային գործընկերների նկատմամբ
1 րոպեի ընթերցում
ԱՄՆ նախագահ Դոնալդ Թրամփը սպառնացել է օգոստոսի 1-ից 35% մաքսատուրքեր սահմանել Կանադայից ներմուծվող ապրանքների նկատմամբ։ «Արմենպրես»-ի փոխանցմամբ՝ նա այդ մասին ասել է Կանադայի վարչապետ Մարկ Քարնիին ուղղված նամակում, որը հրապարակել է իր Truth Social հարթակում։
Կանադական որոշակի ապրանքների նկատմամբ արդեն գործում էին 25% մաքսատուրքեր։
Կանադայի վարչապետը պատասխանել է այդ նամակին X-ում՝ նշելով, որ իր կառավարությունը կշարունակի պաշտպանել կանադացի աշխատողներին և բիզնեսները, մինչ նրանք գործողություններ են իրականացնում օգոստոսի 1-ի վերջնաժամկետին ընդառաջ։
Բացի այդ, ըստ BBC-ի՝ Սպիտակ տան ղեկավարը հայտարարել է, որ 15% կամ 20% համընդհանուր մաքսատուրքեր կսահմանի առևտրային գործընկերների մեծ մասի նկատմամբ։
Թրամփն ավելի վաղ 50% մաքսատուրքեր էր սահմանել ԱՄՆ ներմուծվող պղնձի նկատմամբ։