Ռեժիսոր Թամարա Ստեփանյանի «Արտոյի երկրում» ֆիլմի համաշխարհային պրեմիերայով կմեկնարկի Լոկառնոյի կինոփառատոնը
1 րոպեի ընթերցում
Փարիզաբնակ կինոռեժիսոր Թամարա Ստեփանյանի «Արտոյի երկրում» հայ-ֆրանսիական լիամետրաժ ֆիլմի պրեմիերայով կմեկնարկի Լոկառնոյի հեղինակավոր միջազգային կինոփառատոնը։
«Արմենպրես»-ի հաղորդմամբ՝ այս մասին Ստեփանյանը հայտնել է «Ֆեյսբուք»-ի իր պաշտոնական էջում հրապարակված գրառմամբ։
Նա նշել է, որ «Արտոյի երկրում» ֆիլմն իր առաջին լիամետրաժ կինոնկարն է։ Լոկառնոյի կինոփառատոնի բացմանն այն կցուցադրվի «Գրանդե» հրապարակում 8 հազար հանդիսատեսի համար։ «Ուրախություն, հպարտություն, արցունքներ։ Դա շատ կարևոր է Հայաստանի՝ իմ հայրենիքի համար»,-գրել է ռեժիսորն ու շնորհակալություն հայտնել ֆիլմի ստեղծագործական կազմին, աջակիցներին այն ստեղծելու համար։
Լոկառնոյի միջազգային կինոփառատոնը 2025-ին կանցկացվի օգոստոսի 6-16-ը։