1 րոպեի ընթերցում
Ռուսաստանի նախագահ Վլադիմիր Պուտինը և Միացյալ Նահանգների նախագահ Դոնալդ Թրամփը այս պահին հեռախոսազրույց են անցկացնում։
«Արմենպրես»-ի փոխանցմամբ՝ այս մասին հայտնում է ՏԱՍՍ-ը՝ վկայակոչելով ՌԴ նախագահի խոսնակ Դմիտրի Պեսկովի խոսքերը։
«Խոսակցությունն առայժմ ընթանում է»,-ասել է Պեսկովը։
Ավելի վաղ, Ռուսաստանի Դաշնության նախագահ Վլադիմիր Պուտինը հայտարարել էր, որ այսօր հեռախոսազրույց է ունենալու Միացյալ Նահանգների նախագահ Դոնալդ Թրամփի հետ։
Նախագահները տարեսկզբից ի վեր հեռախոսազրույց են ունեցել վեցերորդ անգամ։ Թրամփի՝ նախագահական պաշտոնը ստանձնելուց հետո առաջին զրույցը տեղի է ունեցել փետրվարի 12-ին։ Միաժամանակ, դա Ռուսաստանի և Միացյալ Նահանգների առաջնորդների միջև առաջին շփումն էր երեք տարվա ընթացքում։ Այնուհետև պետությունների ղեկավարները զանգահարել են միմյանց մարտի 18-ին։ Պուտինը աջակցել է Թրամփի՝ էներգետիկ օբյեկտներին հարվածելու 30-օրյա մորատորիում մտցնելու գաղափարին, սակայն Կիևը չի միացել այդ նախաձեռնությանը։