1 րոպեի ընթերցում
Իրանի օդային տարածքը փակ կլինի մինչև հունիսի 17-ի Երևանի ժամանակով ժամը 02:30-ը: «Արմենպրես»-ի փոխանցմամբ՝ այս մասին Mehr գործակալությանը հայտնել է իսլամական հանրապետության Քաղաքացիական ավիացիայի կազմակերպության ներկայացուցիչ Մեհդի Ռամեզանին:
«Երկրի օդային տարածքը փակ կլինի մինչև վաղվա ժամը 02:00-ն (խմբ. Երևանի ժամանակով ժամը 02:30-ը)», - ասել է նա:
Ավելի վաղ Իրանը հայտնել էր, որ երկրի օդային տարածքը փակ կլինի մինչև հունիսի 16-ի Երևանի ժամանակով ժամը 14։30-ը։
Իրանն իր օդային տարածքը փակել էր հունիսի 13-ի առավոտից՝ իսրայելական հարձակումներից հետո։