Հայաստանի գլխավոր դատախազը Նիդեռլանդների դեսպանի հետ քննարկել է համագործակցության հեռանկարները

4 րոպեի ընթերցում

Հայաստան Հանրապետության գլխավոր դատախազ Աննա Վարդապետյանն ընդունել է ՀՀ-ում Նիդեռլանդների Թագավորության արտակարգ և լիազոր դեսպան Մարիկե Հարիետ Մոնրոյ-Վինթերին: 

«Արմենպրես»-ի փոխանցմամբ՝ ՀՀ գլխավոր դատախազությունից հայտնում են, որ Աննա Վարդապետյանը ողջունել է դեսպանին Հայաստանի Հանրապետության գլխավոր դատախազությունում և բարձր գնահատել դեսպանության աջակցությամբ իրականացված վերապատրաստման դասընթացների արդյունավետությունը:

Դատախազությունից հիշեցնում են, որ Գլխավոր դատախազությունը, Հայաստանում Նիդեռլանդների Թագավորության դեսպանության աջակցությամբ, 2024 թվականի նոյեմբերի 16-ին մեկնարկել էր Հայաստանի Հանրապետությունում գործող բոլոր դատախազների համար նախատեսված դասընթացների երկրորդ փուլը՝ «Հաղորդակցություն դատարանի դահլիճում. կոնֆլիկտների և սթրեսի կառավարում» թեմայով (դասընթացի առաջին փուլը տեղի էր ունեցել 2023 թվականի նոյեմբերից 2024 թվականի ապրիլն ընկած ժամանակահատվածում՝ «Դատախազների հաղորդակցության կարողությունների և հմտությունների զարգացում» թեմայով): 13 շաբաթ տևողությամբ երկօրյա դասընթացներին մասնակցել է շուրջ 380 դատախազ, դասավանդման և ուսումնառության մեթոդները՝ դասախոսություններ, գործնական վարժություններ, դասընթացավարները՝ SPRING PR ընկերության համահիմնադիր, ԵՊՀ Սոցիալական աշխատանքի և սոցիալական տեխնոլոգիաների ամբիոնի դոցենտ Նվարդ Մելքոնյան և Big mind ուսումնական կենտրոնի հիմնադիր տնօրեն Հակոբ Մակդիս։

Հանրապետության գլխավոր դատախազը կարևորել է նաև շուրջ 50 դատախազների համար Դեսպանության աջակցությամբ կազմակերպված՝ «Ընտանեկան բռնության կանխարգելում, քրեական հետապնդում և դատաիրավական արձագանքի արդիական ուղղություններ» թեմայով երկօրյա վերապատրաստումը:

Աննա Վարդապետյանն ընդգծել է ոչ ֆորմալ կրթության կարևորությունն ու այդ համատեքստում նշել, որ առաջիկա օրերին Գլխավոր դատախազության վարչական շենքում պաշտոնապես կբացվի Երևանի պետական համալսարանի կառուցվածքային ստորաբաժանումը՝ ԵՊՀ իրավաբանական լաբորատորիան, որտեղ նախատեսվում է դատախազների, դատախազների թեկնածուների, սփյուռքում գործունեություն ծավալող հայազգի իրավաբանների և Լաբորատորիայի շահառուների մասնակցությամբ կազմակերպել իրավական արդի հարցերի քննարկումներ, գործնական աշխատանքներ, սեմինարներ ու գիտաժողովներ, իրականացնել իրավական խնդիրների հետազոտություններ: 

Հայաստանի Հանրապետությունում Նիդեռլանդների Թագավորության արտակարգ և լիազոր դեսպան Մարիկե Հարիետ Մոնրոյ-Վինթերը շնորհակալություն է հայտնել Աննա Վարդապետյանին ձևավորված արդյունավետ համագործակցության համար և վերահաստատել կրթական մի շարք ուղղություններով փոխգործակցությունը խորացնելու պատրաստակամությունը: 

Հանդիպման ավարտին ՀՀ գլխավոր դատախազը և ՀՀ-ում Նիդեռլանդների Թագավորության արտակարգ և լիազոր դեսպանը վկայականներ են շնորհել «Ընտանեկան բռնության կանխարգելում, քրեական հետապնդում և դատաիրավական արձագանքի արդիական ուղղություններ» թեմայով վերապատրաստման դասընթացի մասնակիցներին:

Հայերեն Türkçe

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը