Փրկարարները ջրատարից դուրս են բերել անձը չպարզված քաղաքացու դի

Արմավիրի մարզային փրկարարական վարչության ճգնաժամային կառավարման կենտրոնը հունիսի 15-ին, ժամը 13:12-ին տեղեկություն է ստացել, որ Մայիսյան գյուղի ջրատարում դի կա. դուրս բերելու համար անհրաժեշտ է փրկարարների օգնությունը: 

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ 

Փրկարարները ջրատարից դուրս են բերել անձը չպարզված քաղաքացու դին: