Ջրափրկարարները քաղաքացիներին դուրս են բերել ափ

Գեղարքունիքի մարզային փրկարարական վարչության ճգնաժամային կառավարման կենտրոնը hունիսի 14-ին, ժամը 19։09-ին ահազանգ է ստացել, որ Դրախտիկ գյուղի մոտակա լողափից քաղաքացիները ռետինե նավակով հեռացել են ափից և չեն կարողանում ափ վերադառնալ․ անհրաժեշտ է փրկարարների օգնությունը։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հատուկ ջրափրկարարական ջոկատի մեկ մարտական հաշվարկ։

Ջրափրկարարները ջրային պարեկների հետ քաղաքացիներին և ռետինե նավակը դուրս են բերել Դրախտիկ գյուղի մոտակա լողափ։