1 րոպեի ընթերցում
Իրանի ատոմային էներգիայի կազմակերպության (ԱԵԿ) պաշտոնական ներկայացուցիչ Բեհրուզ Քամալվանդին հայտարարել է, որ Նաթանզի միջուկային կայանում հայտնաբերվել է որոշակի միջուկային աղտոտում՝ Իսրայելի կողմից իրականացված հրթիռային հարվածից հետո։ Ինչպես տեղեկացնում է «Արմենպրես»-ը, վկայակոչելով Anadolu-ն, այս մասին հաղորդել է Իրանի պետական հեռուստատեսությունը։
Նաթանզը համարվում է Իրանի ամենախոշոր միջուկային օբյեկտներից մեկը՝ տեղակայված Իսֆահանի նահանգում։ Քամալվանդին նշել է, որ Իսրայելը մի քանի անգամ հրթիռներ է արձակել օբյեկտի ուղղությամբ՝ նպատակ ունենալով վնաս հասցնել գետնի տակ գտնվող ենթակառուցվածքներին։
«Օբյեկտի ներսում հայտնաբերվել է որոշակի աղտոտում, սակայն այն չի տարածվել օբյեկտի սահմաններից դուրս»,-պարզաբանել է Քամալվանդին։
Նա հավելել է, որ հայտնաբերված աղտոտման մակարդակը խուճապի հիմք չի տալիս և վերահսկելի է։