Արարատ Միրզոյանը հայտնել է Իրանի նախագահի՝ Հայաստան սպասվելիք այցի մասին

Հայաստանի արտաքին գործերի նախարար Արարատ Միրզոյանը հայտնել է, որ սպասվում է Իրանի նախագահ Մասուդ Փեզեշքիանի այցը Երևան։

«Արմենպրես»-ի հաղորդմամբ՝ այս մասին Հայաստանի արտաքին գործերի նախարարն ասել է Ազգային ժողովում ՀՀ պետական բյուջեի հաշվետվության քննարկման ժամանակ։ 

Արարատ Միրզոյանը, խոսելով Իրանի Իսլամական Հանրապետության հետ հարաբերությունների ներկա մակարդակից, նշեց, որ երկկողմ բարձրաստիճան փոխայցելությունները տեղի են ունենում անընդհատ։  

«Մենք սպասում ենք նախագահ Փեզեշքիանին Երևանում»,-նշեց ՀՀ ԱԳ նախարարը։