1 րոպեի ընթերցում
Երևանում կայացել է Ֆրանսիայի արտաքին գործերի նախարար Ժան-Նոել Բարոյի և Պաղեստինի ինքնավարության նախարար Վարսեն Աղաբեկյանի հանդիպումը։
«Արմենպրես»-ի փոխանցմամբ՝ այս մասին հայտնել է Ֆրանսիայի Եվրոպայի և արտաքին գործերի նախարարությունը։
Նշվում է, որ հանդիպման ժամանակ նախարարը հայտնել է Ֆրանսիայի վճռականությունը՝ տարածաշրջանային պատերազմի սրացումը կասեցնելու գործում։
Ֆրանսիայի ԱԳ նախարարն ամփոփել է նաև հունիսին Ֆրանսիայի և Սաուդյան Արաբիայի համանախագահությամբ կայանալիք համաժողովի ընթացքի կարևոր փուլերը, որի նպատակն է Պաղեստինի խնդրի «երկու պետություն» սկզբունքով կարգավորումը:
Նախարարները քննարկել են նաև Պաղեստինի ինքնավարության հետ երկկողմ համագործակցության զարգացման հեռանկարները։
Ֆրանսիայի ԱԳ նախարար Ժան-Նոել Բարոն և Պաղեստինի ինքնավարության նախարար Վարսեն Աղաբեկյանը մայիսի 26-ին Երևանում մասնակցել են «Երևանյան երկխոսություն» համաժողովին։
Ժան-Նոել Բարո, Վարսեն Աղաբեկյան
Ժան-Նոել Բարո, Վարսեն Աղաբեկյան
Ժան-Նոել Բարո, Վարսեն Աղաբեկյան