1 րոպեի ընթերցում
«Մարտունու կանանց համայնքային խորհուրդ» հասարակական կազմակերպության նախաձեռնությամբ Գեղարքունիքի մարզային գրադարանի աշխատակիցների հետ Ընտանիքի օրվա շրջանակներում անցկացվել է դասընթաց՝ նվիրված «Ընտանեկան բռնություն» թեմային։
Ինչպես «Արմենպրես»-ին տեղեկացրին Գեղարքունիքի մարզային գրադարանից, դասընթացը վարել են Հասմիկ Պետրոսյանը և Կարինե Մոմչյանը։
Դասընթացի ընթացքում մասնակիցները ստացել են կարևոր տեղեկատվություն ընտանեկան բռնության կանխարգելման, ազդանշանների ճանաչման և աջակցության հնարավորությունների վերաբերյալ։
Մասնակիցներին նաև ներկայացվել է Գեղարքունիքի մարզում գործող կանանց աջակցության կենտրոնների գործունեությունը, ինչպես նաև տրամադրվել թեժ գծերի հեռախոսահամարներ՝ անհրաժեշտության դեպքում օգնություն ստանալու նպատակով։
Դասընթացի ավարտին անցկացվել է թեմատիկ խաղ՝ մասնակիցների ներգրավվածությունն ու գիտելիքների ամրապնդումը խթանելու համար։