Պարգևատրվել են Գավառ համայնքից վարժական հավաքների մեկնած պահեստազորայինները

Գավառ համայնքի ղեկավար Գուրգեն Մարտիրոսյանը և Գեղարքունիքի մարզի զինվորական կոմիսար, գնդապետ Արմեն Մնացականյանը պատվոգրեր  են հանձնել Գավառ համայնքից  2025 թվականի մարտի 18-ից ապրիլի 11-ը կազմակերպված վարժական հավաքներին մասնակցած պահեստազորայիններին։ 

Ինչպես «Արմենպրես»-ին տեղեկացրին Գավառի համայնքապետարանի աշխատակազմից, պատվոգրերը Գավառ համայնքի պահեստազորայիններին հանձնվել են՝  վարժական հավաքներին ակտիվորեն ներգրավվելու, բարեխիղճ ծառայության և հայրենիքի պաշտպանությանը մասնակցելու համար։

Պարգևատրումն ուղեկցվել է  շնորհավորանքներով և շնորհակալական խոսքերով։