ԵՄ դիտորդական առաքելությունը հյուրընկալել է Հայաստանում Ֆինլանդիայի դեսպանին

Հայաստանում Եվրոպական միության դիտորդական առաքելությունը հյուրընկալել է Հայաստանի Հանրապետությունում Ֆինլանդիայի դեսպան Կրիստի Նարինենին։

«Արմենպրես»-ի հաղորդմամբ՝ այս մասին ասված է ԵՄ դիտորդական առաքելության X-ի միկրոբլոգում կատարված գրառման մեջ։

Honoured to host H.E. Ms Kirsti Narinen – Ambassador of 🇫🇮 to 🇦🇲 and brief her about #EUMA’s tasks, activities and recent developments on the ground. 🇫🇮 is a steadfast contributor to EUMA with 7⃣ Finnish experts deployed to Armenia @KiNarinen @FinlandinSC. pic.twitter.com/WEgadKjIOy

— European Union Mission in Armenia (@EUmARMENIA) April 29, 2025

«Պատիվ է հյուրընկալել Հայաստանի Հանրապետությունում Ֆինլանդիայի դեսպան Կրիստի Նարինենին և համառոտ կերպով նրան ներկայացնել դիտորդական առաքելության առաջադրանքները, գործունեությունը և վերջին զարգացումները»,-նշված է առաքելության գրառման մեջ։ 

Գրառման մեջ նաև ընդգծվել է, որ Ֆինլանդիան ԵՄ դիտորդական առաքելության ակտիվ մասնակից է՝ Հայաստան գործուղված 7 ֆին փորձագետներով։