387.99
Ռուսաստանը և Ուկրաինան միմյանց մեղադրել են երկկողմ հայտարարված զատկական հրադադարը խախտելու մեջ
1 րոպեի ընթերցում
Չնայած Սուրբ Զատկի կապակցությամբ հրադադարի հայտարարությանը՝ Ռուսաստանն ու Ուկրաինան ապրիլի 20-ին շարունակել են միմյանց մեղադրել խաղաղ բնակավայրերին հարվածներ հասցնելու մեջ:
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, Ուկրաինայի զինված ուժերի կազմավորումները հրետակոծել և ԱԹՍ-ներով հարվածներ են հասցրել ՌԴ Բրյանսկի, Կուրսկի և Բելգորոդի մարզերի սահմանամերձ շրջաններին։
Նշվում է, որ Ուկրաինայի զինված ուժերի հարձակումների հետևանքով խաղաղ բնակչության շրջանում կան զոհեր և վիրավորներ, ինչպես նաև քաղաքացիական օբյեկտների վնասներ:
Ուկրաինայի նախագահ Վոլոդիմիր Զելենսկին «Ֆեյսբուք»-ի իր էջում կատարած գրառմամբ ռուսական կողմին է մեղադրել երկկողմ հայտարարված հրադադարի ռեժիմը խախտելու մեջ:
Նրա խոսքով՝ առավոտյան ժամը 10-ից Ռուսաստանի զինված ուժերի կողմից հրետակոծությունն ու ԱԹՍ-ների կիրառումն ակտիվացել է:
Բաժանորդագրվեք մեր ալիքին Telegram-ում