1 րոպեի ընթերցում
Արգենտինայի ֆուտբոլի ազգային հավաքականի ավագ և ամերիկյան «Ինտեր Մայամի» ֆուտբոլային ակումբի ֆուտբոլիստ Լեոնել Մեսսին Թումո ստեղծարար տեխնոլոգիաների կենտրոնի վերաբերյալ հրապարակում է արել:
«Արմենպրես»-ի փոխանցմամբ՝ ֆուտբոլիստը «Ինստագրամ»–ի իր «Սթորի» բաժնում կիսվել է «Թումո»–ի էջով:
Ավելի վաղ հայտնի էր դարձել, որ Հարավային Ամերիկայում առաջին Թումո կենտրոնը կբացվի Բուենոս Այրեսում: Նախորդ տարվա աշնանը
Թումոյի հիմնադիրներ Սեմ և Սիլվա Սիմոնյանները, ինչպես նաև զարգացման գծով տնօրեն Բեկոր Փափազյանը այցելել են ապագա Թումոյի տարածք և կենտրոնի հիմնադրման մասին պայմանագիր ստորագրել Բուենոս Այրեսի քաղաքապետ Խորխե Մակրիի և կրթության նախարար Մերսեդես Միգելի հետ։
Նախորդ տարի Լիոնել Մեսսիի եղբայր և Leo Messi Management-ի տնօրեն Ռոդրիգո Մեսսին այցելել էր Թումո Երևան՝ իր հետ բերելով հատուկ նվեր՝ Արգենտինայի ազգային հավաքականի մարզաշապիկը՝ մակագրված հենց Մեսսիի կողմից։