Ուկրաինայի կարգավորման շուրջ բանակցություններում Եվրոպան կներկայացնեն Մեծ Բրիտանիան և Ֆրանսիան
1 րոպեի ընթերցում
Փարիզում կայացած գագաթնաժողովում եվրոպացի առաջնորդները պայմանավորվել են, որ Ֆրանսիան և Մեծ Բրիտանիան կներկայացնեն Եվրոպան Ուկրաինայի կարգավորման շուրջ բանակցություններում։
«Արմենպրես»-ի հաղորդմամբ՝ այդ մասին հայտարարել է Ուկրաինայի նախագահ Վլադիմիր Զելենսկին՝ Փարիզում կայացած բանակցություններին հաջորդած մամուլի ասուլիսում։
«Ուկրաինայի դիրքորոշումը հստակ է՝ Եվրոպան պետք է լինի բանակցությունների սեղանի շուրջ: Եվրոպան շատ մեծ է և պետք է ունենա իր ներկայացուցչությունը: Այսօր մենք բոլորս համաձայնեցինք, որ Եվրոպան կներկայացնեն Ֆրանսիան և Բրիտանիան», - ասել է նա՝ մանրամասնելով, որ Ֆրանսիան կներկայացնի նախագահ Էմանուել Մակրոնը, իսկ Մեծ Բրիտանիան՝ վարչապետ Քիր Սթարմերը:
