1 րոպեի ընթերցում
Թուրքիայի նախագահ Ռեջեփ Թայիփ Էրդողանը չի մասնակցի Եվրամիության (ԵՄ) առաջնորդների հանդիպմանը, որը կկայանա մարտի 20-ին Բրյուսելում։
Այս մասին, ինչպես հաղորդում է «Արմենպրես»-ը, հայտնում է թուրքական «Հուրիյեթ» պարբերականը:
«Լեհաստանի վարչապետ Դոնալդ Տուսկի Անկարա այցից հետո հավանականություն կար, որ Էրդողանը կգնար Բրյուսելում ԵՄ առաջնորդների հանդիպմանը։ Նախագահ Էրդողանը չի գնա այսօր մեկնարկող գագաթնաժողովին», - գրում է թերթը՝ հղում անելով իր աղբյուրին:
Աղբյուրի համաձայն՝ թուրք պաշտոնյաները որպես այս որոշման պատճառ նշում են եվրոպացի պաշտոնյաների կողմից «հստակության բացակայությունը»։
Բրյուսելի գագաթնաժողովում նախատեսվում է քննարկել ԵՄ տնտեսության մրցունակությունը, ԵՄ հաջորդ բազմամյա բյուջեն, պաշտպանական հարցերը և Ուկրաինայում տիրող իրավիճակը։
