390.51
Մակրոնը ողջունել է Ուկրաինայում 30-օրյա հրադադարի գաղափարը
2 րոպեի ընթերցում
Ֆրանսիայի նախագահ Էմանուել Մակրոնը հայտարարել է, որ ողջունում է Ուկրաինայում 30-օրյա հրադադարի մասին առաջարկությունը։ «Արմենպրես»-ի փոխանցմամբ՝ այս մասին նա գրել է X սոցիալական հարթակում։
«Ես ողջունում եմ Ջիդդայում ԱՄՆ-ի և Ուկրաինայի բանակցություններում ձեռք բերված առաջընթացը և, մասնավորապես, հնարավոր 30-օրյա հրադադարի գաղափարը», - գրել է Ֆրանսիայի ղեկավարը:
Նրա խոսքով՝ «աժմ գնդակն, ակնհայտորեն, Ռուսաստանի դաշտում է»։
Ավելի վաղ ԱՄՆ նախագահ Դոնալդ Թրամփը հայտարարել է, որ Վաշինգտոնը մտադիր է բանակցություններ վարել ռուսական կողմի հետ մոտ օրերս։ ՌԴ արտգործնախարարության պաշտոնական ներկայացուցիչ Մարիա Զախարովան իր հերթին չի բացառել, որ Ռուսաստանի և ԱՄՆ-ի ներկայացուցիչների միջև շփումներ տեղի ունենան առաջիկա մի քանի օրվա ընթացքում։
Մարտի 11-ին ԱՄՆ-ի և Ուկրաինայի պատվիրակությունները բանակցություններ են վարել Սաուդյան Արաբիայի Ջիդդա քաղաքում։ Դրանց արդյունքներով ընդունված համատեղ հայտարարության մեջ, մասնավորապես, ասված է, որ Կիևը պատրաստ է 30-օրյա հրադադարի և Վաշինգտոնի հետ օգտակար հանածոների վերաբերյալ համաձայնագրի ստորագրման։ Դրա դիմաց ԱՄՆ-ն հայտարարել է, որ վերսկսում է ռազմական օգնության մատակարարումը և հետախուզական տվյալների փոխանցումն Ուկրաինային:
Բաժանորդագրվեք մեր ալիքին Telegram-ում