1 րոպեի ընթերցում
Հայաստանի Հանրապետության կրթության, գիտության, մշակույթի և սպորտի նախարարության աջակցությամբ Գյումրու Վ. Աճեմյանի անվան պետական դրամատիկական թատրոնը փետրվարի 21-ից հյուրախաղերով հանդես է գալիս Ամերիկայի Միացյալ Նահանգներում:
Ինչպես «Արմենպրես»-ը տեղեկանում է ՀՀ ԿԳՄՍ նախարարության տարածած հաղորդագրությունից, հյուրախաղերն իրականացվում են Գյումրու Վ. Աճեմյանի անվան պետական դրամատիկական թատրոնի հիմնադրման 160-ամյակի շրջանակում և կտևեն մինչև մարտի 9-ը:
Թատրոնի հյուրախաղերը մեկնարկել են «Երկնագույն շան աչքերը» լիրիկական ֆանտազիա ներկայացմամբ: Նույն ներկայացմամբ էլ կեզրափակվեն:
Մարտի 2-ին լոսանջելեսաբնակ հանդիսատեսի դատին է հանձնվել «Սիրո Casting» կատակերգությունը:
Ներկայացումներն արժանացել են տեղի հանդիսատեսի ջերմ ընդունելությանը:
