1 րոպեի ընթերցում
Ֆրանսիան և Մեծ Բրիտանիան առաջարկում են Ուկրաինայում սահմանել մարտական գործողությունների մորատորիում, որը կտարածվի օդի, ծովի վրա և կտևի մեկ ամիս։ «Արմենպրես»-ի փոխանցմամբ՝ այդ մասին Ֆրանսիայի նախագահ Էմանուել Մակրոնը հայտնել է Le Figaro թերթին տված հարցազրույցում:
Նրա խոսքով՝ մորատորիումը առաջարկվում է տարածել նաև էներգետիկ ենթակառուցվածքների դեմ հարձակումների վրա։
Մակրոնը նշել է, որ առաջարկը չի վերաբերի ցամաքում ռազմական գործողությունների վրա, քանի որ ճակատային գծի երկարությունը «զուգադրելի է Փարիզից Բուդապեշտ հեռավորության հետ», ուստի հրադադարի պահպանման ստուգումը նման հատվածում «չափազանց բարդ կլինի»:
Մակրոնը նաև հայտարարել է, որ ակնկալում է երկխոսության վերականգնում ԱՄՆ և Ուկրաինայի նախագահներ Դոնալդ Թրամփի և Վոլոդիմիր Զելենսկիի միջև: