Ուկրաինան և ԱՄՆ-ն գտնվում են օգտակար հանածոների վերաբերյալ համաձայնագրի «վերջնական փուլում». Ուկրաինայի փոխվարչապետ

2 րոպեի ընթերցում

Ուկրաինան և Միացյալ Նահանգները գտնվում են օգտակար հանածոների վերաբերյալ գործարքի շուրջ բանակցությունների վերջին փուլում։ «Արմենպրես»-ի փոխանցմամբ՝ այս մասին հայտարարել է Ուկրաինայի եվրոպական և եվրաատլանտյան ինտեգրման հարցերով փոխվարչապետ Օլհա Ստեֆանիշինան X-ի իր էջում։  

Նրա խոսքով՝ Կիևը և Վաշինգտոնը երկուսն էլ շահագրգռված են նրանով, որ ԱՄՆ-ին հասանելի դառնան Ուկրաինայի հազվագյուտ հողային մետաղները, սակայն նախագահ Վոլոդիմիր Զելենսկին ասել է, որ ցանկացած նման գործարք պետք է ներառի անվտանգության կոնկրետ երաշխիքներ:

«Ուկրաինայի և ԱՄՆ-ի թիմերը հանքանյութերի վերաբերյալ համաձայնագրի շուրջ բանակցությունների վերջին փուլում են: Բանակցությունները շատ կառուցողական են եղել և գրեթե բոլոր հիմնական մանրամասները վերջնական տեսքի են բերվել», - գրել է փոխվարչապետը։

Նա հույս է հայտնել, որ և՛ ԱՄՆ-ի, և՛ Ուկրաինայի ղեկավարները կարող են ստորագրել և հաստատել այն Վաշինգտոնում, հնարավորինս սեղմ ժամկետում:

Ավելի վաղ ԱՄՆ նախագահ Դոնալդ Թրամփը հայտնել էր, որ Ուկրաինան պետք է ԱՄՆ-ին տրամադրի 500 միլիարդ դոլարի կարևոր հումք՝ որպես փոխհատուցում ​​օգնության համար, որը Կիևն արդեն ստացել է նախկին նախագահ Ջո Բայդենի վարչակազմից:

Զելենսկին իր հերթին նշել էր, որ Վաշինգտոնն իր երկրին մատակարարել է 67 միլիարդ դոլարի զենք և 31,5 միլիարդ դոլար ուղղակի բյուջետային աջակցություն, և որ ինքը Բայդենի կողմից տրամադրված օգնությունը որպես վարկ չի ճանաչի:

Զելենսկին փետրվարի սկզբին հրաժարվել էր ստորագրել համաձայնագրի նախնական նախագիծը, ինչը հիասթափություն էր առաջացրել Սպիտակ տանը: Թրամփի վարչակազմի բարձրաստիճան պաշտոնյաները փետրվարի 22-ին հայտարարել են, որ ակնկալում են՝ համաձայնագրի ստորագրումը տեղի ունենա այս շաբաթ:

Միացյալ Նահանգներ

Թրամփը հայտարարել է, որ «կվերակենդանացնի» օգտակար հանածոների շուրջ «Կիևի խափանած» համաձայնագիրը

Հայերեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները