Հայաստանի վարչապետն ու Բունդեսթագի Գերմանիա-Հարավային Կովկաս բարեկամական խմբի նախագահն անդրադարձել են ՀՀ-ԵՄ փոխգործակցության հարցին

Հայաստանի Հանրապետության վարչապետ Նիկոլ Փաշինյանը Մյունխենում հանդիպում է ունեցել Բունդեսթագի Գերմանիա-Հարավային Կովկաս բարեկամական խմբի նախագահ Յոհանն Վադեֆուլի հետ:

«Արմենպրես»-ի փոխանցմամբ՝ ՀՀ վարչապետի աշխատակազմից հայտնում են, որ հանդիպման ընթացքում քննարկվել են Հայաստան-Գերմանիա հարաբերություններին, ինչպես նաև՝ միջխորհրդարանական համագործակցությանը վերաբերող հարցեր:

Մտքեր են փոխանակվել Հայաստան-Եվրոպական միություն փոխգործակցության, տարածաշրջանային նշանակության հարցերի շուրջ: