1 րոպեի ընթերցում
Բրազիլիայի Սան Պաուլու քաղաքում փոքր մարդատար ինքնաթիռը վթարի է ենթարկվել։ Փորձելով վայրէջք կատարել բանուկ պողոտայում՝ ինքնաթիռը բախվել է ավտոբուսի՝ երկու զոհի պատճառ դառնալով։ «Արմենպրես»-ի փոխանցմամբ՝ այս մասին հաղորդում է G1 լրատվական հարթակը:
Փրկարարներին հաջողվել է փրկել վեց մարդու։ Կա երեք վիրավոր. ինքնաթիռի բեկորները հարվածել են մեկ մոտոցիկլավարի և ավտոբուսում գտնվող երկու հոգու։
Իշխանությունները փակել են մայրուղին և մարդկանց կոչ արել խուսափել տվյալ հատվածով ճանապարհորդելուց։