Բրազիլիայում փոքր մարդատար ինքնաթիռը բանուկ փողոցում ընկել է ավտոբուսի վրա

Բրազիլիայի Սան Պաուլու քաղաքում փոքր մարդատար ինքնաթիռը վթարի է ենթարկվել։ Փորձելով վայրէջք կատարել բանուկ պողոտայում՝ ինքնաթիռը բախվել է ավտոբուսի՝ երկու զոհի պատճառ դառնալով։ «Արմենպրես»-ի փոխանցմամբ՝ այս մասին հաղորդում է G1 լրատվական հարթակը: 

Triste mas confirmado a queda de uma aeronave em São Paulo ! @OnDisasters pic.twitter.com/32LV7JqLY2

— Henrique Garcia (@luizhen95262129) February 7, 2025

Փրկարարներին հաջողվել է փրկել վեց մարդու։ Կա երեք վիրավոր. ինքնաթիռի բեկորները հարվածել են մեկ մոտոցիկլավարի և ավտոբուսում գտնվող երկու հոգու։ 

Իշխանությունները փակել են մայրուղին և մարդկանց կոչ արել խուսափել տվյալ հատվածով ճանապարհորդելուց։