1 րոպեի ընթերցում
Հարավային Սուդանում ոչ մեծ մարդատար ինքնաթիռի կործանման հետևանքով զոհվել է 18 մարդ: «Արմենպրես»-ն այս մասին տեղեկանում է ՏԱՍՍ գործակալությունից։
Նշվում է, որ ըստ երկրում ՄԱԿ-ի ներկայացուցչությանը պատկանող Miraya ռադիոկայանի՝ ինքնաթիռում եղել է 21 ուղևոր և անձնակազմի անդամ։ Օդանավը կործանվել է «Յունիտի» նավթի հանքավայրի մոտ, մեկնաթռիչքի ժամանակ։
Զոհվածների թվում են երկու օդաչուները։ Աղետի պատճառների մասին տեղեկատվություն չի հաղորդվում: