Պենտագոնը ռազմածովային ուժերի 10 ուղղաթիռ է ուղարկել Կալիֆոռնիայում հրդեհները մարելու համար
1 րոպեի ընթերցում
ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի պաշտպանության նախարարությունը ռազմածովային ուժերի 10 ուղղաթիռ է ուղարկել Լոս Անջելեսում հրդեհները մարելու գործում օգնություն ցուցաբերելու համար:
Ինչպես հաղորդում է «Արմենպրես»-ը, այդ մասին հայտարարել է Պենտագոնի պաշտոնական ներկայացուցչի տեղակալ Սաբրինա Սինգհը։
ԱՄՆ-ի նախագահ Ջո Բայդենի հանձնարարությամբ Պենտագոնը նաև անձնակազմ կհատկացնի Կալիֆոռնիայում հրդեհները մարելու համար, քանի որ տեղի իշխանությունները չեն կարողանում կասեցնել ակտիվ բռնկումները, նշել է նա:
Կալիֆոռնիայում այս պահին հրդեհի ակտիվ բռնկումներ են, որոնք արդեն հինգ մարդու կյանք են խլել, կան տուժածներ։ Փալիսեյդսի շրջանում հրդեհը տարածվել է ավելի քան 2000 հեկտար տարածության վրա՝ զրոյական մակուսացմամբ, և ոչնչացրել շուրջ հազար շինություն, ավելի վաղ հայտարարել էին տեղական իշխանությունները:
Ինչպես հաղորդել է The Hollywood Reporter հանդեսը, նոր հրդեհ է բռնկվել Կալիֆոռնիայի նահանգի Լոս Անջելես քաղաքի Հոլիվուդյան բլուրներ շրջանում. հրդեհը սպառնում են Հոլիվուդի «Փառքի ծառուղուն» և Hollywood Bowl համերգասրահին։