Վրաստանի վարչապետը վստահ է՝ Սալոմե Զուրաբիշվիլին կլքի նախագահի պաշտոնը և կանցնի թոշակի
1 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ։ Վրաստանի նախագահ Սալոմե Զուրաբիշվիլին դեկտեմբերի 29-ին կլքի իր պաշտոնը՝ իր լիազորությունների ավարտից հետո։ «Արմենպրես»-ի հաղորդմամբ՝ այս մասին հայտարարել է Վրաստանի վարչապետ Իրակլի Կոբախիձեն՝ նշելով, որ նախագահի գործունեությունն այս տարիներին հակասել է երկրի ազգային շահերին։
«Ցավոք, Սալոմե Զուրաբիշվիլին վերջին երեք տարիներին փորձել է վնաս հասցնել մեր երկրի ազգային շահերին։ Սա ցավալի երևույթ է, երբ նախագահը գործում է իր երկրի ազգային շահերի դեմ։ Սակայն, բարեբախտաբար, Վրաստանը խորհրդարանական հանրապետություն է, ուստի նախագահը մեծ վնաս չի հասցրել երկրին։ Նրա լիազորությունների ժամկետը կավարտվի դեկտեմբերի 29-ին, և նա կանցնի թոշակի»,- Կոբախիձեի խոսքերը մեջբերում են վրացական լրատվամիջոցները։
Հատկանշական է, որ ավելի վաղ Վրաստանի նախագահ Սալոմե Զուրաբիշվիլին հայտարարել է՝ իր պաշտոնավարման ժամկետի ավարտից հետո՝ դեկտեմբերի 29-ից, չի նախատեսում լքել նախագահական նստավայրը։