398.94
Վլադիմիր Պուտինի և Նիկոլ Փաշինյանի միջև հանդիպում նախատեսված չէ․ Պեսկով
1 րոպեի ընթերցում
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ։ Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի միջև հանդիպում Մոսկվայում նախատեսված չէ։
«Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ փոխանցելով ՌԴ նախագահի մամուլի խոսնակ Դմիտրի Պեսկովի խոսքերը։
«Այսօր առանձին հանդիպում ծրագրված չէ, այնտեղ (խմբ․ նկատի ունի ԵԱՏՄ միջկառավարական խորհրդի նիստը) աշխատանքներ են տարվում վարչապետական ծրագրով»,-նշել է Պեսկովը։
Ավելի վաղ հաղորդվել էր, որ Հայաստանի Հանրապետության վարչապետ Նիկոլ Փաշինյանը ժամանել է Ռուսաստանի Դաշնության մայրաքաղաք Մոսկվա, որտեղ ՀՀ վարչապետի նախագահությամբ տեղի է ունենալու Եվրասիական միջկառավարական խորհրդի հերթական նիստը:
Բաժանորդագրվեք մեր ալիքին Telegram-ում