Մակրոնը Թրամփին կոչ է արել Ռուսաստանից իրական զիջումների հասնել Ուկրաինայի հարցում

2 րոպեի ընթերցում

ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնը ԱՄՆ-ի ընտրված նախագահ Դոնալդ Թրամփին հորդորել է Ռուսաստանին «իրական զիջումներ»-ի մղել Ուկրաինայի հարցում: «Արմենպրես»-ի հաղորդմամբ՝ այդ մասին հայտնում է The Wall Street Journal-ը: 

Չորեքշաբթի օրը տեղի ունեցած 25 րոպեանոց հեռախոսազրույցի մանրամասներին քաջածանոթ անձը լրատվամիջոցին հայտնել է՝ Մակրոնը Թրամփին հորդորել է երաշխավորել, որ Ուկրաինայի վերաբերյալ Ռուսաստանի հետ ցանկացած դիվանագիտական ​​գործընթաց կհանգեցնի Կրեմլի իրական զիջումներին: Այդ առաջարկին Թրամփի արձագանքի մասին տեղեկություն չի հաղորդվում։ 

The Wall Street Journal-ի տեղեկություններով՝ ԵՄ-ում ներկայում անդրկուլիսային քննարկում է ծավալվել այն թեմայի շուրջ, թե ինչպես է պետք շարունակել Ուկրաինայի ֆինանսավորումը, եթե ԱՄՆ-ի նոր վարչակազմը որոշի կրճատել աջակցությունը պաշտոնական Կիևին: 

Նշվում է, որ 2022 թվականի փետրվարից ԱՄՆ-ն 106 մլրդ դոլար է տրամադրել Ուկրաինայի կառավարությանը, որից 70 միլիարդը՝ 2024 թվականի սեպտեմբերի դրությամբ։ Եվրամիությունն իր հերթին 133 մլրդ դոլարի ռազմական, ֆինանսական և մարդասիրական օգնություն է հատկացրել Ուկրաինային: Միլիարդավոր դոլարներ են ներդրել այլ երկրներ, այդ թվում՝ Մեծ Բրիտանիան և Նորվեգիան: 

Ավելի վաղ Դոնալդ Թրամփը NBC News-ին հայտնել էր, որ նախատեսում է զրուցել Ռուսաստանի նախագահ Վլադիմիր Պուտինի հետ։ 

Հայերեն Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել