1 րոպեի ընթերցում
ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի վարչապետ Նիկոլ Փաշինյանն աշխատանքային այցով Շիրակի մարզում է։ «Արմենպրես»-ի փոխանցմամբ՝ այս մասին վարչապետը հայտնել է սոցիալական ցանցերի իր էջերում՝ հրապարակելով տեսանյութեր։
Այցի ընթացքում վարչապետին ուղեկցում են ՀՀ տարածքային կառավարման և ենթակառուցվածքների նախարար Գնել Սանոսյանը, կրթության, գիտության, սպորտի և մշակույթի նախարար Ժաննա Անդրեասյանը, էկոնոմիկայի նախարար Գևորգ Պապոյանը, պետական վերահսկողական ծառայության պետ Ռոմանոս Պետրոսյանը, ԱԺ պատգամավորներ։
Վարչապետն այցի շրջանակներում եղել է Երերույքի տաճարում՝ հիշեցնելով, որ դեպի տաճար տանող ճանապարհը նախորդ տարի վերանորոգվել է։