Եռաբլուրում պետք է մտածենք ավելի անկախ պետություն, ուժեղ բանակ ունենալու մասին․ Հակոբ Արշակյան
1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ։ Եռաբլուրում պետք է միշտ վերարժևորենք ու վերանայենք մոտեցումները՝ մտածելով ավելի անկախ պետություն, ուժեղ բանակ ունենալու մասին։
«Արմենպրես»-ի հաղորդմամբ՝ այս մասին լրագրողների հետ ճեպազրույցում ասաց ՀՀ Ազգային ժողովի փոխնախագահ Հակոբ Արշակյանը հանուն հայրենիքի նահատակված ու անմահացած հայ զիվորների հիշատակին Եռաբլուրում հարգանքի տուրք մատուցելուց հետո։
«Մշտապես, մեր ջանքերում, առօրյայում, ամենուր՝ կրթության, գիտության, բժշկության մեջ, պետք է հիշենք, որ ամբողջությամբ պետք է տրվել պետության հզորացմանը»,-ասաց Արշակյանը։