Ակնկալում ենք, որ ամենամոտ ապագայում առաջընթաց կապահովենք ՀՀ-Վրաստան սահմանազատման գործընթացի շրջանակում. Փաշինյան
1 րոպեի ընթերցում
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանն ու Վրաստանն ընդհանուր ըմբռնում ունեն ամենամոտ ապագայում երկու երկրների սահմանազատման գործընթացում գործնական առաջընթաց ապահովելու հարցում:
«Արմենպրես»-ի փոխանցմամբ՝ այս մասին ասաց Հայաստանի վարչապետ Նիկոլ Փաշինյանը Վրաստանում իր վրացի գործընկերոջ հետ հանդիպումից հետո համատեղ հայտարարությունների ժամանակ:
«Ակնկալում ենք, որ ամենամոտ ապագայում գործնական առաջընթաց կապահովենք նաև Հայաստան-Վրաստան սահմանազատման գործընթացի շրջանակներում»,–ասաց վարչապետը:
Նա հավելեց, որ Վրաստանի վարչապետի հետ արդեն իսկ քննարկում ունեցել են դրա վերաբերյալ, ունեն ընդհանուր ըմբռնում, ինչը կարևորում է: