ԵԱՀԿ ԺՀՄԻԳ-ն Ադրբեջանում ընտրությունների դիտորդական առաքելություն է բացել

2 րոպեի ընթերցում

ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ։ ԵԱՀԿ ժողովրդավարական հաստատությունների և մարդու իրավունքների գրասենյակն (ԺՀՄԻԳ) Ադրբեջանում սեպտեմբերի 1-ին նշանակված խորհրդարանական արտահերթ ընտրությունների համար օգոստոսի 1-ին դիտորդական առաքելություն է բացել Բաքվում։ «Արմենպրես»- փոխանցմամբ՝ այս մասին հաղորդում է ԵԱՀԿ ԺՀՄԻԳ մամուլի ծառայությունը։

Դիտորդական առաքելությունը բացվել է Ադրբեջանի իշխանությունների պաշտոնական հրավերով։ Առաքելության ղեկավարն է Դիտմիր Բուշատին։ Խմբի կազմում են 11 միջազգային փորձագետներ և 28 երկարաժամկետ դիտորդներ, որոնք Ադրբեջանում կտեղակայվեն օգոստոսի 8-ից։ ԺՀՄԻԳ-ը նաև նախատեսում է ներգրավել 280 կարճաժամկետ դիտորդների, որոնք կժամանեն ընտրություններից մի քանի օր առաջ։ 

Առաքելությունը կգնահատի ընտրությունների անցկացման ընթացքը և դրա համապատասխանությունը ԵԱՀԿ հանձնառություններին և ժողովրդավարական ընտրությունների անցկացման այլ միջազգային պարտավորություններին և չափանիշներին, ինչպես նաև ազգային օրենսդրությանը։ Մոնիթորինգի կենթարկվի նաև նախընտրական քարոզարշավի անցկացման գործընթացը, ընտրական հանձնաժողովների աշխատանքը, լուսաբանումը, կգնահատվի ԺՀՄԻԳ-ի նախկին հանձնարարականների կատարումը։

Ադրբեջանում խորհրդարանական ընտրությունները պետք է կայանային 2024 թ. նոյեմբերին։ Հունիսին իշխող կուսակցության պատգամավորներն առաջարկեցին ցրել երկրի Ազգային ժողովը, քանի որ երկրում 2024 թ. նոյեմբերին նաև պետք է անցկացվի ՄԱԿ-ի COP29 կլիմայի փոփոխության գագաթնաժողովը։ Ե՛վ գագաթնաժողովի, և՛ ընտրությունների նորմալ անցկացման համար որոշում կայացվեց սեպտեմբերի 1-ին արտահերթ ընտրություններ անցկացնելու մասին։ 

Հայերեն Русский

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին