Արևելյան գործընկերության քաղաքացիական հասարակության ֆորումը ողջունել է Հայաստանի հետ վիզաների ազատականացման շուրջ երկխոսություն սկսելու՝ ԵՄ-ի որոշումը

ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ։ Արևելյան գործընկերության քաղաքացիական հասարակության ֆորումը ողջունել է ԵՄ խորհրդի որոշումը Հայաստանի հետ վիզաների ազատականացման շուրջ երկխոսություն սկսելու վերաբերյալ։ «Արմենպրես»-ի փոխանցմամբ՝ այդ մասին գրառում է հրապարակվել ԵՄ Արևելյան գործընկերության քաղաքացիական հասարակության ֆորումի X-ի միկրոբլոգում։ 

«Ողջունում ենք ԵՄ խորհրդի որոշումը Հայաստանի հետ վիզաների ազատականացման բանակցություններ սկսելու վերաբերյալ։ Երբ գործընթացն ավարտվի, հայերը հնարավորություն կունենան առանց վիզայի կարճաժամկետ այցեր կատարել ԵՄ։ Սա կարևոր հանգրվան է ԵՄ-ի և Հայաստանի միջև հարաբերություններում»,- ասված է գրառման մեջ: 

We welcome #EU decision to start visa liberalisation talks with #Armenia. When completed, this will allow Armenians to travel to the EU for short term visits visa-free.

An important milestone in the relations between the EU & Armenia, bringing the Eastern Partnership closer! pic.twitter.com/tDh8FPMTgH

— Eastern Partnership Civil Society Forum (@eapcsf) July 23, 2024