Նիդեռլանդների ԱԳ նախարարը ողջունել է Հայաստանին աջակցություն տրամադրելու մասին ԵՄ խորհրդի որոշումը
1 րոպեի ընթերցում
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ։ Նիդեռլանդների Թագավորության արտաքին գործերի նախարար Կասպար Վելդկամպը ողջունել է ԵՄ խորհրդի կողմից Հայաստանի զինված ուժերին աջակցություն տրամադրելու մասին որոշման ընդունումը։
«Արմենպրես»-ի հաղորդմամբ՝ այս մասին նշված է ԱԳ նախարար Վելդկամպի X-ի միկրոբլոգում կատարված գրառման մեջ։
«Ողջունում եմ ԵՄ խորհրդի կողմից այս աջակցության միջոցների ընդունումը՝ ի աջակցություն Հայաստանի զինված ուժերի։
Սա առաջին դեպքն է, երբ Եվրոպական միությունը որոշել է աջակցել Հայաստանին Խաղաղության եվրոպական հիմնադրամի միջոցով։ Կարևոր քայլ՝ ուղղված երկրի դիմակայունության ամրապնդմանը», - գրել է ԱԳ նախարար Վելդկամպը։