Նիդեռլանդների ԱԳ նախարարը ողջունել է Հայաստանին աջակցություն տրամադրելու մասին ԵՄ խորհրդի որոշումը
1 րոպեի ընթերցում
![Նիդեռլանդների ԱԳ նախարարը ողջունել է Հայաստանին աջակցություն տրամադրելու մասին ԵՄ խորհրդի որոշումը](http://armenpress.am/resized/480/storage/images/articles/2024/07/23/087Wyx4WMqIiJYQNeW2Hd5S45JZgA7K04Cg2QBWE.webp)
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ։ Նիդեռլանդների Թագավորության արտաքին գործերի նախարար Կասպար Վելդկամպը ողջունել է ԵՄ խորհրդի կողմից Հայաստանի զինված ուժերին աջակցություն տրամադրելու մասին որոշման ընդունումը։
«Արմենպրես»-ի հաղորդմամբ՝ այս մասին նշված է ԱԳ նախարար Վելդկամպի X-ի միկրոբլոգում կատարված գրառման մեջ։
I welcome the @EUCouncil's adoption of this assistance measure in support of the Armenian Armed Forces.
— Caspar Veldkamp (@ministerBZ) July 22, 2024
This is the first time the EU has decided to support #Armenia via the European Peace Facility. An important step, aimed at enhancing the resilience of the country. https://t.co/GxvDO34K3n
«Ողջունում եմ ԵՄ խորհրդի կողմից այս աջակցության միջոցների ընդունումը՝ ի աջակցություն Հայաստանի զինված ուժերի։
Սա առաջին դեպքն է, երբ Եվրոպական միությունը որոշել է աջակցել Հայաստանին Խաղաղության եվրոպական հիմնադրամի միջոցով։ Կարևոր քայլ՝ ուղղված երկրի դիմակայունության ամրապնդմանը», - գրել է ԱԳ նախարար Վելդկամպը։