ԵԽ պատգամավորը ողջունել է ԵՄ խորհրդի որոշումները՝ կապված Հայաստանի հետ

ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ։ Եվրոպական խորհրդարանի պատգամավոր Միրիամ Լեքսմանը ողջունել է ԵՄ խորհրդի որոշումները Հայաստանի հետ վիզաների ազատականացման շուրջ երկխոսություն սկսելու և երկրին Խաղաղության եվրոպական հիմնադրամից 10 միլիոն եվրո հատկացնելու վերաբերյալ։ 

«Արմենպրես»-ի փոխանցմամբ՝ այդ մասին գրել է X-ի իր միկրոբլոգում։ 

Some wise and strategic decisions from the Council at last. I sincerely welcome the strengthening of our bilateral relations with Armenia & support reforms https://t.co/nPlQHWBDNi

— Miriam M. Lexmann (@MiriamMLex) July 23, 2024

«ԵՄ խորհուրդը իմաստուն և ռազմավարական որոշումներ է կայացրել։ Ես անկեղծորեն ողջունում եմ Հայաստանի հետ մեր հարաբերությունների ամրապնդումն ու աջակցում եմ բարեփոխումներին»,- գրել է Լեքսմանը՝ կիսվելով Հայաստանի արտաքին գործերի նախարար Արարատ Միրզոյանի՝ X-ում կատարած գրառմամբ, որում վերջինս շնորհակալություն էր հայտնել ԵՄ խորհրդին Հայաստանի հետ կապված որոշումների կայացման համար։